Gouritz-nuus‎ > ‎

Boardwalk word gebou

posted 7 Jul 2016, 04:39 by Admin Gouritzmond
Daar is begin met die bou van 'n verhewe plankpad (Boardwalk) vanuit Riverweg na die strand.


Die volgende brief is van die Bewaringstrust hieromtrent ontvang:

"Geagte Vriend,
Die trustees van die Gouritsrivier Bewaringstrust het, na aanleiding van verskeie versoeke van die publiek, besluit om deel van die staproete, wat deur die Trust ontwikkel is, met 'n plankpad te vervang.
Die Trust se motivering vir die besluit was:
  • Dit sal die roete meer toeganklik maak vir klein kinders, bejaardes en ook vir gestremdes wat van rolstoele gebruik moet maak;
  • Dit sal versteuring en vertrapping van die plantegroei voorkom;
  • Dit sal die stappers 'n beter uitsig oor die plantegroei in die algemeen gee.
  • Daar is besluit, gedagtig aan die hoë koste van so 'n onderneming, om die kortste deel van die staproete, dié vanaf Rivierstraat na die rivier, 130 meter, van 'n plankpad te voorsien.
  • Dit is dié gedeelte wat deur meeste mense gebruik word om die laugune-deel van die rivier, wat baie veilige swemplek vir kinders bied, te bereik. Die paadjie eindig op 'n dek wat 'n mooi uitsig oor die rivier, plantegroei en see bied.
Die beste kwotasie beloop byna R162,000. Ons sal dit waardeer indien diegene wat daartoe in staat is 'n bydrae sal maak om die projek te befonds. Enige bedrag sal met groot dank ontvang word en deursigtig aangewend word. Bydraes van R10,000 of meer sal erken word deur die naam van die skenker op die plankpad aan te bring.
U ondersteuning om hierdie projek suksesvol af te handel, word waardeer.

Gouritsrivier Bewaringstrust
(Beskermheer Louis Oosthuizen)"
Comments